ពោលអំពីអ្នកមានលក្ខណៈ៣
-ចំណែកកន្លះកាយខាងលើស្រដៀងនឹងចំណែកកន្លះកាយរាជសីហ៍
-មានខ្នងពេញស្មើ -មាន-កមូល
ដកស្រង់ចេញពី បិដក លេខ១៩ - ទំព័រ ៣៩ ដល់ ទំព័រ ៤២
(២៥) ម្នាលភិក្ខុទាំងឡាយ កាលព្រះតថាគត (អាស្រ័យ ) នូវជាតិពីមុន ភពពីមុន
លំនៅពីមុន កើតជាមនុស្ស ក្នុងកាលពីមុន ជាអ្នកប្រាថ្នានូវសេចក្តីចំរើន ប្រាថ្នា
នូវប្រយោជន៍ ប្រាថ្នានូវសេចក្តីសុខ ប្រាថ្នាសេចក្តីក្សេមក្សាន្តចាកយោគៈ ដល់ពួក
ជនច្រើនថា ធ្វើដូចម្តេចជនទាំងនេះ នឹងបានចំរើនដោយសទ្ធា ចំរើនដោយសីល
ចំរើនដោយសុតៈ ចំរើនដោយវុឌ្ឍិ ចំរើនដោយចាគៈ ចំរើនដោយលោកកិយធម៌
ចំរើនដោយប្រាជ្ញា ចំរើនដោយទ្រព្យនិងធញ្ញាហារ ចំរើនដោយស្រែ និងចំការ
ចំរើនដោយសត្វជើងពីរ និងសត្វជើង ៤ ចំរើនដោយកូននិងប្រពន្ធ ចំរើនដោយ
ពួកបុរស ជាទាសៈនិងកម្មករ ចំរើនដោយពួកញាតិ ចំរើនដោយពួកមិត្ត ចំរើន
ដោយពួកផៅពង្ស ។ ព្រះតថាគតនោះ ព្រោះបានធ្វើ សន្សំ កុសលកម្មនោះ ។ បេ។
លុះព្រះតថាគតនោះ ច្យុតចាកឋានសួគ៌នោះ មកកាន់អត្តភាពជាមនុស្សនេះ
ក៏បាននូវមហាបុរិសលក្ខណៈទាំង ៣ នេះ គឺមានចំណែកកន្លះកាយខាងលើ
ស្រដៀងនឹងចំណែកកន្លះកាយនៃរាជសីហ៍ ១ មានខ្នងពេញស្មើ ឥតមានចង្អូរ
ផតខូងត្រង់កណ្តាល ១ មាន-កមូលសម ១ ។ ព្រះតថាគតនោះ ប្រកបដោយ
លក្ខណៈទាំងនោះ បើនៅគ្រប់គ្រងគេហដ្ឋាន នឹងបានជាស្តេចចក្រពត្តិ ។ បេ ។
កាលបើបានជាស្តេចហើយ តើនឹងបានរបស់អ្វី គឺនឹងបានជាអ្នកមិនសាបសូន្យ
ជាធម្មតា គឺមិនសាបសូន្យចាកទ្រព្យ និងធញ្ញាហារ ស្រែចំការ សត្វជើង ២ និង
សត្វជើង ៤ កូនប្រពន្ធ ពួកបុរសជាទាសៈ និងកម្មករ ពួកញាតិ មិត្ត និងផៅពង្ស
មិនបានសាបសូន្យចាកសម្បត្តិទាំងពួងឡើយ កាលបើជាស្តេចឹងបានរបស់នេះ
ឯង ។ បេ ។ កាលបើព្រះតថាគត បានត្រាស់ជាព្រះពុទ្ធ នឹងបានរបស់នេះអ្វី
គឺនឹងបានជាអ្នកមិនសាបសូន្យជាធម្មតា គឺមិនសាបសូន្យចាក សទ្ធា សីលៈ
សុតៈ ចាគៈ បញ្ញា ទាំងមិនសាបសូន្យចាកសម្បត្តិទាំងពួងឡើយ កាលបើព្រះតថា
គត បានត្រាស់ជាព្រះពុទ្ធ នឹងបានរបស់នេះឯង ។ ព្រះមានព្រះភាគបានសំដែង
សេចក្តីនេះរួចហើយ ។ ទើបទ្រង់ត្រាស់នូវគាថាព័ន្ធនេះ ក្នុងលក្ខណៈនោះថា
(២៦) ព្រះតថាគត តែងប្រាថ្នានិងប៉ុនប៉ងនូវសេចក្តីមាំមួន និងសេចក្តីបរិបូណ៌
ដល់ជនដទៃ ថា ធ្វើដូចម្តេច កុំឲ្យជនទាំងឡាយសាបសូន្យចាក សទ្ធា
សីលៈ សុតៈ បញ្ញា ចាគៈ និង លោកកិយធម៌ និងគុណ គឺសេចក្តីល្អច្រើន
ប្រការ និងទ្រព្យធញ្ញាហារ ស្រែចំការ កូនប្រពន្ធ (សត្វជើងពីរ) សត្វជើង ៤
ញាតិ មិត្ត ផៅពង្ស និងកំឡាំង ពណ៌សម្បុរកាយ និងសុខទាំងពីរប្រការ ។
ព្រះតថាគតជាបុគ្គល មានចំណែកកន្លះកាយខាងលើ ស្រដៀងគ្នានឹង
ចំណែកកន្លះកាយនៃរាជសីហ៍ មានទ្រង់ទ្រាយល្អ ១ មាន-ក មូលក្លំ ១
មានខ្លងពេញស្មើ ឥតមានផតខូង ត្រង់កណ្តាល ១ ព្រោះកម្មដែលព្រះ
តថាគតបានសន្សំ កសាងពីជាតិមុនមក ទើបមិនបានសាបសូន្យ
បុព្វនិមិត្តរបស់ព្រះតថាគតនោះ មិនបានសាបសូន្យឡើយ ។ បើព្រះ
តថាគតជាគ្រហស្ថ តែងចំរើនដោយធញ្ញាហារ ទ្រព្យ កូនប្រពន្ធ
(សត្វជើង ២ ) និងសត្វជើង៤ (បើ) ព្រះតថាគត ឥតមានកង្វល់ ចេញ
ទៅបួស ក៏បានសម្រេចសម្ពោធិញ្ញាណ រកគុណជាតឯទៀត ឲ្យក្រៃលែង
ជាងគ្មាន ជាធម្មមិនបានសាបសូន្យ ។